اپنے شکموں کو بھوکا رکھو، لالچ کو چھوڑ دو، جسموں کی زیبائش نہ کرو ، خواہشوں کو کم کرو، دل و جگر کو پیاسا رکھو، دنیا سے کنارہ کشی کرو تا کہ تمہارے دل اللہ کا مشاہدہ کر سکیں۔

حدیث نبوی صلی اللہ علیہ وسلم
#کشف المحجوب

حضرت حارث محاسبی رحمتہ اللہ علیہ نے چالیس سال تک دن رات کے کسی حصہ میں دیوار سے ٹیک لگا کر کمر سیدھی نہیں کی اور دو زانو کے سوا کسی اور حالت میں نہ بیٹھے۔ لوگوں نے عرض کی آپ اتنی تکلیف و مشقت کیوں برداشت کرتے ہیں؟

فرمایا مجھے شرم آتی ہے کہ میں حق تعالی کے مشاہدے میں اس طرح نہ بیٹھوں جس طرح بندہ بیٹھتا ہے۔

#کشف المحجوب

طالبانِ حق کے لئے فضول باتیں کرنا بُرا ہے اور بری بات کہنا تو بڑی بد نصیبی ہے..

#کشف المحجوب

فعل پر جھگڑنا فاعل پر جھگڑنا ہوتا ہے۔۔

#کشف المحجوب

سب سے بُرا شخص وہ ہے جو اکیلا کھائے، غلام کو مارے اور خیرات سے روکے رہے۔۔

حدیث نبوی صلی اللہ علیہ و سلم

#کشف المحجوب

انسان نہ تو سامان کی کثرت کی بناء پر دنیا دار بنتا ہے اور نہ سامان کی قلت کی بناء پر درویش۔

#کشف المحجوب

حضرت شبلی رحمتہ اللہ علیہ فرماتے ہیں کہ اللہ تعالی نے اپنی اطلاع میں مجھ سے فرمایا '' جو سویا وہ غافل ہوا اور جو غافل ہوا وہ محجوب ہوا ''

#کشف المحجوب

اللہ تعالی اُس بندے پر اِظہارِ خوشنودی فرماتا ہے جو بحالتِ سجدہ سو جاتا ہے۔اور اپنے فرشتوں سے فرماتا ہے میرے بندے کی طرف دیکھو اُس کی روح مجھ سے ہمراز ہے اور اُس کا بدن عبادت کے فرش پر ہے۔

حدیث نبوی صلی اللہ علیہ وسلم 

#کشف المحجوب

حضرت ابو بکر شبلی رحمتہ اللہ علیہ نے ایک مدعی کو یہ کہتے ہوئے سنا کہ '' خاموشی ، بولنے سے بہتر ہے''

اِس پر حضرت شبلی نے فرمایا کہ '' تیرا خاموش رہنا تیرے بولنے سے بہتر ہے اور میرا بولنا میرے خاموش رہنے سے بہتر ہے۔ کیونکہ تیرا بولنا لغو ہے اور تیری خاموشی ٹھٹھا اور میرا بولنا خاموشی سے اِس لئے بہتر ہے کہ میری خاموشی میں حلم و بردباری ہے اور کلام میں علم و دانائی ہے ''

‫#‏کشف‬ المحجوب

جو شخص با وضو سوئے اللہ تعالی اُس کی روح کو اجازت فرماتا ہے کہ وہ عرش کا طواف کرے اور وہاں اللہ تعالی کو سجدہ کرے۔

حدیث نبوی صلی اللہ علیہ وسلم
‫#‏کشف‬ المحجوب

ایک شخص حضرت امام حسن رضی اللہ تعالی عنہما کے دروازے پر آیا اور اُس نے عرض کیا اے فرزندِ رسول، مجھ پر چار سو درہم قرض ہیں۔ حضرت حسن رضی اللہ تعالی عنہما  نے حکم دیاکہ اسے چار سو درہم دئے جائیں، اور خود روتے ہوئے اندر تشریف لے گئے۔تو لوگوں نے پوچھا اے فرزندِ رسول صلی اللہ علیہ وسلم ! رونے کی کیا وجہ ہے ؟

آپ نے فرمایا اس لئے روتا ہوں کہ میں نے اُس شخص کے حال کی جستجو میں کوتاہی کی ہے یہاں تک کہ میں نے اسے سوال کی ذلت میں ڈال دیا۔

#کشف المحجوب

حضرت خلیل اللہ علیہ سلام  اُس وقت تک کھانا نوش نہ فرماتے تھے جب تک کہ کوئی مہمان موجود نہ ہوتا۔ایک مرتبہ تین دن گزر گئے کوئی مہمان نہ آیا۔اتفاق سے ایک کافر کا گزر آپ کے دروازے کے آگے سے ہوا۔ آپ علیہ سلام نے اس سے پوچھا تو کون ہے ؟

اس نے کہامیں کافر ہوں

آپ نے فرمایا تو میری مہمانی اور عزت افزائی کے قابل نہیں ہے۔

اُسی وقت حق تعالی نے وحی نازل فرمائی کہ اے خلیل ،جسے میں نے ستر(70) سال تک پالا تم نے اُسے ایک روٹی تک نہ دی۔

#کشف المحجوب

حضرت شبلی رحمتہ اللہ علیہ کو دیوانگی کے الزام میں شفا خانہ میں داخل کر کے محبوس کر کے کچھ لوگ بغرض ملاقات اُن کے پاس گئے۔آپ نے پوچھا تم کون ہو؟

لوگوں نے کہا کہ ہم آپ سے محبت کرنے والے ہیں

یہ سن کر آپ نے پتھر مارنے کے لئے اُٹھایا۔لوگ سب بھاگ کھڑے ہوئے۔اس وقت آپ نے فرمایا کہ اگر تم مجھ سے سچی محبت کرنے والے ہوتے تو مار کے ڈر سے نہ بھاگتے۔ اس لئے کہ محبین ، محبوب کی بلا سے بھاگا نہیں کرتے۔

#کشف المحجوب

حضرت حسین بن منصور حلاج رحمتہ اللہ علیہ جب دار پر چڑھائے گئے تو اُن کا آخری کلام یہ تھا '' حب الواحد افراد الواحد لہ ''

محب کے لئے یہ کتنا خوشی کا مقام ہہے کہ اپنی ہستی کو راہِ محبت میں فنا کر دے۔اور نفس کا اختیار محبوب کے پانے میں صرف کر کے خود کو فنا کر دے

اللہ کے نزدیک کوئی چیز اس سے زیادہ پسندیدہ نہیں کہ جوان آدمی توبہ کرے۔

حدیث نبوی صلی اللہ علیہ وسلم

#کشف المحجوب

گناہ سے توبہ کرنے والا ایسا ہے جیسا کہ اُس کا کوئی گناہ ہی نہیں۔

حدیث نبوی صلی اللہ علیہ وسلم

#کشف المحجوب

حضرت سہل بن تستری رحمتہ اللہ علیہ کا مذہب یہ ہے کہ توبہ یہ ہو کہ کئے ہوئے گناہوں کو نہ بھولو اور اُس کی ندامت میں ہمیشہ غرق رہو اگرچہ کتنے ہی زیادہ اعمال صالحہ ہو جائیں اُن پر غرور نہ کرو اِس لئے کہ برے فعل پر شرمندگی ،اعمال صالحہ پر مقدم ہے۔

#کشف المحجوب

حضرت ذوالنون مصری رحمتہ اللہ علیہ فرماتے ہیں

'' عوام کی توبہ گناہوں سے اور خواص کی توبہ غفلت سے ہے ''

کیونکہ عوام سے صرف ظاہر حال پوچھا جائے گا اور خواص سے معاملہ کی تحقیق کی جائے گی۔عوام کے لئے غفلت نعمت اور خواص کے لئے حجاب ہے۔

#کشف المحجوب

توبہ

حضرت ذوالنون مصری رحمتہ اللہ علیہ فرماتے ہیں

'' توبہ دو طرح کی ہوتی ہے ایک توبہ انابت دوسری توبہ استحیاء۔ توبہ انابت یہ ہے کہ بندہ عذابِ الہٰی کے خوف سے توبہ کرے اور توبہ استحیاء یہ ہے کہ بندا حق تعالی کے فضل و کرم سے حیا کر کے توبہ کرے''

#کشف المحجوب

حضرت سہل بن عبد اللہ تستری رحمتہ اللہ علیہ فرماتے ہیں کہ 

''محب صادق کی پہچان یہ ہے کہ اللہ تعالی کی طرف اس پر ایک فرستادہ مقرر ہوتا ہے کہ جب نماز کا وقت آئے تو وہ بندے کو اُس کی ادائیگی پر اُبھارے اگر بندہ سوتا ہو تو اُسے بیدار کر دے''

#کشف المحجوب

حضرت جنید بغدادی رحمتہ اللہ علیہ جب بوڑھے ہو گئے تو اُس بڑھاپے میں بھی جوانی کے کسی ورد کو نا چھوڑا۔لوگوں نے عرض کیا اے شیخ اب آپ بوڑھے ہو گئے کمزور ہو گئے ہیں ان میں سے کچھ نوافل چھوڑ دیجئے۔اُنہوں نے فرمایا یہی تو وہ چیزیں ہیں جن کو ابتدا میں کر کے اِس مرتبہ کو پایا ہے اب یہ نا ممکن ہے کہ اِس انتہا پر پہنچ کر اِن سے دستبردار ہو جاوں۔

#کشف المحجوب